ភ្លេងជាតិនៃព្រះរាជាណាចក្រកម្ពុជា
ភ្លេងជាតិនៃសាធារណៈរដ្ឌខ្មែរ
.png)
.webp)
ភ្លេងជាតិនៃកម្ពុជាប្រជាធិបតេយ្យ
ភ្លេងជាតិនៃសាធារណរដ្ឋប្រជាមានិតុកម្ពុជា
ទង់ជាតិ
ទង់ជាតិតាមកាលសម័យ ដាក់ឲ្យប្រើប្រាស់នៅក្នុងរជ្ជកាលព្រះអង្គដួង ពីឆ្នាំ១៨៤០ ដល់ឆ្នាំ១៨៦៣។
ដាក់ឲ្យប្រើប្រាស់ចាប់ពីឆ្នាំ១៨៦៣ ដល់ឆ្នាំ ១៩៤៧ ដំបូងឡើងទង់នេះមានរូបព្រះបរមរាជវាំងនៅចំកណ្តាល តែក្រោយមកជំនួសដោយរូបប្រាសាទអង្គរវត្តវិញ។
.png)
ដាក់ឲ្យប្រើប្រាស់ក្នុងរយះពេលដ៏ខ្លី ពីខែមិនា ដល់ខែ កញ្ញា ឆ្នាំ១៩៤៥ តំណាងឲ្យ ប្រទេសកម្ពុជាក្នុងរដ្ឋាភិបាលលោក សឹន ង៉ុកថាញ់ ដែលគាំទ្រដោយជប៉ុន នាសម័យសង្រ្គាមលោកលើកទីពីរ។
.webp)
ជាទង់ជាតិដែលអនុម័តដោយសភាជាតិក្រោយការបោះឆ្នោតជាសកលលើកដំបូង ក្នុង ប្រទេសកម្ពុជានាឆ្នាំ១៩៤៧។ ទង់ជាតិនេះតំណាងឲ្យប្រទេសកម្ពុជាស្វយ័តក្នុងសហភាព បារាំង ហើយក្រោយមកក្លាយជាទង់ជាតិនៃប្រទេសកម្ពុជាឯករាជ្យ រហូតដល់រដ្ឋប្រហារ ឆ្នាំ១៩៧០។ ចលនាកងទ័ពជាតិសីហនុនិយមបានប្រើប្រាស់ទង់ជាតិនេះជាតំណាង ពី ឆ្នាំ១៩៧៩ ដល់ឆ្នាំ១៩៨៩។ ទង់ជាតិនេះត្រូវបានប្រើប្រាស់ឡើងវិញចាប់ពីការប្រកាស ព្រះរាជាណាចក្រកម្ពុជា(ទីពីរ) នាឆ្នាំ១៩៩៣ រហូតមកដល់សព្វថ្ងៃ។
ជាទង់ជាតិតំណាងឲ្យរដ្ឋាភិបាល លន់ នល់ នៃសាធារណរដ្ឋខ្មែរ និងតំណាងឲ្យ ប្រទេសកម្ពុជានៅអង្គការសហប្រជាជាតិពីឆ្នាំ១៩៧០ ដល់ឆ្នាំ១៩៧៥។ ទង់ជាតិនេះ ក៏ជាតំណាងឲ្យអ្នកសាធារណរដ្ឋនិយម និងអ្នកប្រឆាំងនឹងរបបរាជានិយមខ្មែរផងដែរ។
ជាទង់ជាតិនៃរបបកម្ពុជាប្រជាធិបតេយ្យរបស់ពួកខ្មែរក្រហម ហើយជាទង់ជាតិតំណាងឲ្យ ប្រទេសកម្ពុជាលើឆាកអន្តរជាតិ ចាប់ពីឆ្នាំ១៩៧៦ រហូតដល់ឆ្នាំ១៩៨៩ ទោះជារបបខ្មែរ ក្រហមបានដួលរលំនៅឆ្នាំ១៩៧៩ ហើយយ៉ាងណាក្ដី នេះដោយសារតែអង្គការសហប្រជា ជាតិបន្តគាំទ្ររដ្ឋាភិបាលកម្ពុជាប្រជាធិបតេយ្យ ជារដ្ឋាភិបាលស្របច្បាប់តំណាងឲ្យ ប្រទេសកម្ពុជា ដល់ឆ្នាំ១៩៨៩។ ទង់ជាតិនេះមានប្រវត្តិពីដើមឡើយ ត្រូវបានប្រើប្រាស់ ដំបូងជាតំណាងឲ្យចលនាខ្មែរឥស្សរក្រោមការដឹកនាំរបស់ទ្រង់នរោត្តម ចន្ទ័រង្សី នាទសវត្សរ៍ ទី៥០ ហើយបន្តប្រើប្រាស់ដោយកងពលតូចទី១៣ (ទាហានសាធារណរដ្ឋខ្មែរ) របស់ទ្រង់ ចន្ទ័រង្សី ក្នុងសង្រ្គាមប្រឆាំងនឹងខ្មែរក្រហមនាទស្សវត្សរ៍ទី៧០ទៀត គួរឲ្យចំឡែកណាស់ដែល ខ្មែរក្រហមយកទង់របស់គូរសត្រូវខ្លួនមកប្រើប្រាស់។
ជាទង់ជាតិខ្មែរ ក្រោមរបបសាធារណរដ្ឋប្រជាមានិតកម្ពុជា ហើយបានប្រើប្រាស់ពី ឆ្នាំ១៩៧៩ ដល់ឆ្នាំ១៩៨៩។ ទង់ជាតិនេះត្រូវបានប្រើប្រាស់ជាដំបូង ដោយចលនា ខ្មែរវៀតមិញនៅទសវត្សរ៍ទី៥០។
ជាទង់ជាតិខ្មែរនាសម័យរដ្ឋកម្ពុជា ពីឆ្នាំ១៩៩០ ដល់ឆ្នាំ១៩៩៣។
ជាទង់ជាតិតំណាងឲ្យក្រុមប្រឹក្សាជាតិជាន់ខ្ពស់កម្ពុជា និងជាទង់ជាតិតំណាងឲ្យអ៊ុន តាក់ ដែលបានប្រើប្រាស់ពីឆ្នាំ នាំ១៩៩២-១៩៩៣។
ទង់ជាតិនេះត្រូវបានប្រើប្រាស់រួចម្ដងមកហើយពេលដែលមានការបោះឆ្នោតជាសកល លើកដំបូង ក្នុងប្រទេសកម្ពុជានាឆ្នាំ១៩៤៧ រហូតដល់មានរដ្ឋប្រហារឆ្នាំ១៩៧០។ តែ ក្រោយប្រកាសព្រះរាជាណាចក្រកម្ពុជា (ទីពីរ) នាឆ្នាំ១៩៩៣ ទង់ជាតិនេះត្រូវបានយកមក ប្រើប្រាស់ឡើងវិញ រហូតមកដល់សព្វថ្ងៃនេះ។
